Nawalang Kamusmusan

Natatandaan mo pa ba nung tayo’y musmos pa lamang
mga larong ating pinagdaanan
mga pagkaing ating pinagsaluhan
Sa tabi ng dagat at dalampasigan?

Sa mura nating isip tumatak
mga hagikhik at halakhak
sigawan at palakpak
baril-barilan at bulaklak?

Natatandaan mo pa ba mga iniwan nating alaala
sa kwaderno at aklat ating tinala
ang ating karunungan dito nagsimula
di ba’t lahat ng ito’y parang himala?

Mga keyk na pagkalalaki
Mga laruang pagka dami-rami
Halik at yakap ni Nanay at Tatay
Masarap na higaan kung san tayo’y humimlay

Natatandaan mo pa ba?
Mabuti ka pa
Ako hindi na
Ako hindi na

Wala akong matandaan,
kundi’t pangungulila’t kahirapan
Sana’y ika’y matandaan mo
Andito lamang ako, naghihintay sayo

Sana’y bukas makalawa
magkasama na tayo sa ating mga alaala.
Sana, sana, sana…